நிலவைத் தொட்டுவிட நீண்டநாள் கனவுநீலவானம் காட்டிட அன்னை ஊட்டிய உணவு
ஆகாய வீதியிலே தமிழனின் பயணம்
அறிவியல் பாதையை அடைவதா கடினம்
அழைப்பிற்கு ஓடிவரும் அழகான நிலவு
அம்புலியில் ஓட்டவேண்டும் அழகுதமிழ் உழவு
கதையிலும் கற்பனையிலும் ஆடிவந்த நிலா
கார் இருளில் காட்சிஎன்றால் வானமெங்கும் விழா
வடைசுடும் பாட்டிகதை வலம்வந்த காலம் நீங்கி
கடைபோடும் பாட்டிகளும் கவின் நிலவில் தினமும்தங்கி
வருங்காலம் வர்ணனைக்கும் வளமைக்கும் பஞ்சமில்லை
வஞ்சிகளை நிலவென்றால் மாமனுக்கு மஞ்சமில்லை
கவிகளினால் பாடப்பெற்ற கன்னித்தமிழ் நிலா
கலம் ஏறிச்சென்றுவிட்டான் நம்தமிழன் உலா
எட்டாத காலங்களில் ஏடுகளில் எழுதிவைத்தோம்
எட்டிவிட்டோம் எட்டையபுரத்து கனவு தீர்த்தோம்
தேசியக் கொடியையும் தேன்நிலவில் பதித்து விட்டோம்
தேசத்தின் பெருமையை உலகுக்கு உணர்த்தி விட்டோம்
ஆகாய வீதியிலே தமிழனின் பயணம்
அறிவியல் பாதையை அடைவதா கடினம்
நிலவத் தொட்டுவிட நீண்டநாள் கனவு
நிறைவேறிவிட்டது நினைவான கனவு .
கருத்துகள் இல்லை:
கருத்துரையிடுக